February 11, 2026: Itu Micro, Small and Medium Enterprises (MSME) laga Ministry, GoI aru MSME Development aru Facilitation Office, Dimapur para itu Industries & Commerce laga Department aru District Industries Centre (DIC), Tuensang logotey collaborate kuri kena, ekta ek-din laga awareness workshop organize kurishey, PM Vishwakarma under tey, 11th February, 2026 tey, DRDA Conference Hall, Tuensang tey.
Inspector DIC Tuensang, Thungdi Chang para itu artisan khan ke, alag alag credit Scheme khan laga inform kurishey, itu MSME laga Ministry, aru itu State Government laga scheme under tey. Tai para itu artisan khan ke urge kurishey, tai khan nijey para itu information toh avail kuriboley aru modod bisariboley koishey DIC Tuensang through para, support nimitey.
Tai para itu PM Vishwakarma opor tey bhi stress kurishey ki, aru koishey ki, itu toh hoiley ekta Central Sector Scheme asey, kuntu toh hoiley Tradition artisan khan aru crafts men khan ke recognize kuriboley aru empower kuriboley aim kurey, itu Country bhitor tey, itu sob toh milai kena, Vishwakarma koi kena refer kurey koi kena janaishey. Itu scheme toh hoiley 18 traditional trade khan tey engage thaka ke support kuriboley asey – Carpentry, Basket Weaving, Blacksmith khan nishina, kuntu toh hoiley deep para rooted asey, India laga Cultural aru occupational Heritage tey.
Khumchopi Sangtam, Functional Manager, DIC Tuensang para welcome address deliver kurishey. Itu program tey ekta interactive session bhi thakishey, Auching sonla, Area Coordinator, NSRLM para chulai jai kena, aru SBI Tuensang laga Field officer para loan component opor tey present kurishey, PM Vishwakarma under tey.
Add Comment