Mumbai, 05 November: Tuesday din Punjab and Maharashtra Co-operative (PMC) Bank depositors toh Reserve Bank of India (RBI) office pahar deh protest korise.
Protest deh hisha thaga ekta bank depositor, Professor Chandrashekar koise, “Ami khan 41 din nemide protest kori ase. 10 ta manu toh morise. Ami para ami laga poisa toh korai debole nemide request korise. Sob poisa toh PMC deh ase.
Etu nesana tusara protestor, Sadhika Sayal koise, Maharashtra Chief Minister Devendra Fadnavis para etu issue toh tai nejor Centre logode saijabole janai kena ase.
Tai koise, “Ami khan ke RBI nohoile government para eku assurance deya nai. Etiya protest kora toh 40 din hoise. 10 ta manu toh mora be morise. Hotai din senior citizens toh protest deh hisha loi ase. Tai khan laga jevaan toh PMC deh ase. Chief Minister para phal statement toh deshe hoilebi tai khan para ke laga steps toh lobo? Ami khan ke kon para be eku kowah nai”.
Tai koise, “Ami khan ke poisa toh 100 percent safe thaga official written assurance lakae aro ketiya tai khan para ami khan ke poisa toh korabo. Government aro RBI bhabona kori ase protest kori thaga para ami khan dukh pabo. Hoilebe protests toh jai thakibole ase”.
September deh RBI para PMC Bank toh six moina nemide bondh kora thakise aro etu bank para eku activity nakoribole janaideya thakise.
Central bank para deposit withdrawal limit toh suru time deh Rs 10,000 bona thakise hoilebi etu bechide Rs 40,000 deh othaideya thakise.
Add Comment