PMEGP Awareness Program loishey, Kiphire tey

September 17, 2024, 04:22 PM: Prime Minister’s Employment Generation Program (PMEGP), Financial Literacy Camp (FLC) & Entrepreneurship Awareness Programme ( EAP ) opor tey Awareness Program loishey,  kuntu toh hoiley DC laga Conference Hall, Kiphire tey para conduct kurishey, 16^th September, 2024 tey, socio economic development aru upliftment nimitey, particular para manu khan karney, aru general tey District karney. Itu programme toh hoiley Vitsumong Y para chair kurishey kun toh hoiley Credit Coordinator SCK (Swavalamban Connect Kendra’s) Kiphire asey, tai para tatey ekta introduction dishey, itu (SCK) laga kaam khan kuria laga kiena asey koi kena, itu district tey aru itu session toh shuru kurishey, Takatemjen Pongen, EAC Kiphire HQ & Nodal Officer SCK, Kiphire para opening remark dishey, kotey tai para sob member khan ke encourage kurishey itu house tey, thik thak para planning kuriboley aru strategy rakhiboley tai khan business han shuru nakuria agetey. Tai para kun kun ke hoilebi modod kuriboley assure kurishey, kiman paribo paratak, judi tai laga modod lagi asey koiley. Veswuvo Phesa Functional Manager District Industry Centre para itu PMEGP opor tey awareness share kurishey kotey tai para eligibility criteria opor tey kotha kurishey, aru kun khan toh apply kuriboley paribo, itu scheme karney. Tai para assure kurishey ki, tai toh hoiley tai laga pura cooperation diboley asey koi kena, kun kun manu khan hoilebi itu program toh successful aru productive para implement kuriboley karney