Poila Bar Dimapur Tey, Sea World Carnival Chuli Asey, Bangjak Phom Colony, Burma Camp Tey

December 14, 2025: Asia laga sob para dangor under water tunnel, sea world carnival loi asey, Bangjak Phom Colony, Burma Camp tey. Itu Carnival toh hoiley December 1 para shuru hoa laga thakishey, aru itu toh hoiley January 11, 2026 tak thakiboley asey, koi asey. Itu carnival toh hoiley 02:00 PM para 11:00 PM rati tak open thakiboley asey koishey, aru tatey gushiboley laga entry ticket toh ₹20 hoboley asey, AC Fish Tunnel Entry ticket toh ₹150 asey ekjon manu tey. Itu carnival tey – ranger, giant wheel khan, wheels of death, dragon train & bishi alag alag feature kuri asey. Public khan para excitement thaka aru khushi thaka laga share kurishey; itu opor tey bishi bhal response pai asey, koishey. Bacha para loi kena adult khan para loi kena bura-buri khan bhi tatey jai kena enjoy kuri asey koishey.