Pole deh Indonesia’s Lion Air plane laga-lagi

Agencies, 08 November: Agae hapta phalli Lion Air plane keri kena 189 jun manu moraideya bechide arobe etu company laga aircraft toh Thursday din hatsa howah thakise. Etu company laga aircraft toh Sumatra Island laga airports jaga pora ora timedeh pole deh laga thakise. Etu hatsa howah ke Lion Air pora staff khan logode bothnaam korise. Hoilebe etu hatsa howah ke konbe mora nahoile jokhom toh powah nai. Airline laga spokesperson pora kowah toh tai khan logode airport’s air traffic controller khan pora maaf manga letter pothaise. October 29 din deh Lion Air plane toh Java Sea deh kera thakise aro plan pethor deh thaga sob manu moraideya thakise. Etu karni Indonesian Transport Ministry pora airline deh special investigation lobi lowah thakise. Ministry pora Sea deh kera sob Boeing 737 Max 8 model deh sabi kowah thakise.