RAIPUR, SEPTEMBER 2 : Aji Chhattisgarh laga Sukma district te Maoist Bithormanu pora IED Bomb bhataidese. Etu time te 1 jun Police muraidese aro 3 jun tusera jukum kuridese koi kena police pora khobor te janaise.
Inspector General, Bastar Range laga Vivekanand Sinha pora Sukma District laga Reserve Police Forces kan Maoist bithormanu besari kena jungle jaka te jaise. Etu time te thik Maoist bithormanu kan pora tai kan (Police) wabas khorai thaka time te bomb rasta te lakaide kena thaka bataidese koise.
Etu Police mujrijua toh Gynadhar Pradhani koi kena mati. Aro tusera 3 jun Jukum hua kan toh Kamal Mandawi, Virendra Nag aro Phoolchand Baghel kan ase. Tai kan sob ke Hospital te sabole luijai kena ase. Aro tai kan sob bi Police kan hi ase koise.
Add Comment