Itanagar, October 31, 2024: Tuesday Din te Naharlagun SP Mihn Gambo para koishe ki, Naharlagun police para ekta online para manu ke jukala Assam laga Barpeta District para durishe koishe.
Etu arrest toh Naharlagun Police Station Case no (NO 81/24) Section 420 IPC Laga bitor te durishe koishe.
Etu arrest kurea laga nam toh Yakud Ali (30) ase, Aru tai toh manu ke jukai ase koishe online para, Vio5globel.com aru OKX App para. Etu app para tai manu khan ke invest kuribole dea ase koishe, yete taikhan ke wapas bishi dibole tarika khan koi kina jukai dishe koishe. Aru bishi manu khan laga haat para poisa loa pichete tai OKX App account te poisa khan toh transfer kuri dea koishe.
Etu te manu bishi report kurishe koishe. Aru etu homoi Ali toh etu Vio5Globel.com account toh bon kuri dishe koishe aru lokai jaishe koihse.Aru Police khan investigation kurikina Chunbari Bosti para Kalpani Assam laga Barpeta District te Ali ke durishe koishe.
Add Comment