Raipur: police official para koikena janaishe Tuesday din Raipur district te ekta family laga paanchta member etu te duita bacha ke murikena paishe.
police official Ajay Yadav para PTI ke koikena janaishe Etu jaka te thaka manu khan para hosiyar kuraikena police khan spot te jaishe aro Kamlesh Sahu (35), tai laga ama Lalita Bai (60), maiki Pramila (30) aro duita chotu bacha ke tai khan laga ghor te murikena paishe.
Official para koikena janaishe ki “Prima facie te clear nai ki etu sucide na murder ase.hoilebi evidence te dikha hisaab te Kamlesh para etu char jun ke muraidishe nijor ke phasi lagaikena namuraidiya akhe te.
Tai koikena janaishe ki Etu bodies toh post-mortem nimete phutaishe.officials para koikena janaishe forensic team khan ke bi phutaishe spot te aro details khan pabo post mortem report toh paa pichede.
government statement te koikena janaishe ki Chhattisgarh Home Minister Tamradhwaj Sahu para SSP logote kotha kurishe phone te aro hokum dishe police khan ke etu hadsaa toh kinika huwa thakishe koikena sabole janaishe.
Police khan kosish kuri ase judi etu ghor manu khan poisa nimete dukh pai thakishe na health problems khan ase sai thakishe.
Add Comment