December 19, 2023: Monday din deh Polish truckers kan Ukrainian border deh, taikan laka blockade tho aro chalu kuri ase main crossing ekta deh, ekta protest leader para kui shae. Jua hapta deh etu blockade tho ekbar karne hatai di shae hoile b Monday din deh aro chalu kuri di shae.
Polish drivers kan November 6 para alak alak crossings kan block kuri ase Ukraine lokot deh. Taikan para EU kan keh ekta system bana b kuia se kuteh Ukrainian companies kan permit laki bo block deh operate kuri bo karne. Etu eki demand tho European truckers kan keh b magi ase Ukraine deh gusi bo karne.
Protest first deh tho teetha corssing deh affect kuri shae hoile b chartha deh uthai di shae. Ukraine’s Deputy Minister for Communities and Infrastructure, Serhiy Derkach para national television keh blockades tho effect deh ase kui shae, hoile b tuiso nishi nah truckers kan jabo pare ase kui shae teetha crossing jui nah.
Derkach para Ukraine kan etu hapta Polish authorities lokot meeting lobo leh bisari ase kui shae etu jamala tho thik kuri bole.
Add Comment