Doha, Qatar: November 22, 2020. US Secretary of State Mike Pompeo para Afghan government aro Taliban logot Doha te lok paikena Washington para tai khan laga sepia Afghanistan para hatai nemite jolti te peace talk soruh hoboli koishe. Pompeo para “larai komti hoboli nemite aro political roadmap aro aha din nemite larai nakoribo koishe”, koikena US State Department para janai thishe. US laga tangor manuh para Afghan government aro Taliban manuh logot Qatari capital te alag-alag samai te lok korishe. Tai visit kora toh olop din aage te Afghan Capital Kabul te rocket hamla kora te komti hoilebi 8 jun mora beche thakishe. Taliban khan para hamla kora kam toh kora nai koishe aro Islamic State group khan para nam loishe.
Pompeo toh Doha te roka samai, Qatar’s ruler, Emir Sheikh Tamim bin Hamad Al-Thani, aro Mohammed bin Abdulrahman Al-Thani, foreign minister khan logot be lok korishe. Hoilebi, tai jaa samai Taliban aro Afghan government logot kotha kora khobor eku thaka nai. Afghanistan’s High Council, National Reconciliation laga chairman Abdullah Abdullah para AFP logot koishe ke, government aro Taliban khan kotha kora toh “besi osor” te ahishe. Etu hafta olop din aage te, Pentagon para koishe ke, Afghanistan para 2,000 sepai neshina ke hatabole ase aro etu fesla toh February moina te Washington aro Taliban pithor te kora ase. 2021 saal te US laga sepia sob hatabole koishe. Trump para hotai din nemite larai nakoriboli koishe, etu oper te Afghanistan te America aro Taliban khan September 11, 2001 hamla kora beche larai kori thaka toh be rokiboli kosihe. Taliban khan para Afghanistan laga government logot first time kotha kori ase koishe. Kotha kora toh September 12 darik para Doha te soruh hoishe. Friday din te khobor besi para koishe ke, tuita(2) side te kotha kora toh konuba kamyaab hoishe. Kotha kori thaka samai te be Afghanistan te Taliban khan para Afghan security sepia ke kamla besi kori ase koishe.
Add Comment