Pooch attack tho 20 minutes karne last hui shae

May 8, 2024: Jammu and Kashmir deh terrorist kan para Indian Air Force laka ekta convoy keh target kura piche deh, ekta eyewitness para hamla time deh ki ki hui shae, etu deh details kan share kuri shae. Hamla deh ekta IAF personnel, Corporal Vikky Pahade, taila jokom para muri jai shae aro taila pastha colleagues kan itia treatment lui ase. “Gunfight kuto terrorist aro security forces majo deh hui shae, etu tho 20 minutes nishi nah tak lamba tak shae. Muila bacha kan Kandia shuru hui shae. Olop piche deh, mukan laka kun ba soldier kan b jokom kai shae kui nah jani shae. Aro ekta tho jokom para muri jai shae kui nah jani shae,” Pooch laka jaran Wali Gali para ekta local para kui shae. Asgar para tai, hamla time deh terrorist kan kiman taki shae, etu ho kubole napari bo kui shae. “Etu area deh enaka nishi nah encounter tho mui karne first taki shae. Mui ami laka bacha lah safety karne bui kai taki shae. Itia tho, essential supplies kan dura gari kan utu jaka deh naja hui shae, kuto para mukan keh aro jinta kuri di ase, mukan laka daily supplies karne. Forces kan itia b search kan kuri ase, terrorist kan karne. Mui Isor keh pratna kuri ase, enaka nishi nah senseless violence keh biswas kura manu kan keh sense di b kui nah.” Tai para kui shae.