May 28, 2024: Pope Francis para LGBT community laka against ekta bishi bia term ekta chui shae. Tai, Italian bishops kan lokot deh ekta closed-door meeting lui shae aro tateh tai para, gay manu kan keh priest hobo dibo nalageh kui shae, Italian media para Monday din deh report kuri shae.
La Repubbblica aro Corriere della Sera tho Italy laka sobse dangor circulation dailies ase. Taikan para Pope keh quote kuri nah, tai seminaries aro priesthood kan tho puila para heh “frociaggine” lokot deh borta hui nah ase kui shae. “Frociaggine” tho ekta bia Italian term ase.
Vatican keh comment karne request kuri shae etu mamla deh, hoile b taikan jawab dia nai. Political gossip website Dagospia tho etu alleged incident keh report kuri bole first taki shae. Italian Bishops Conference kan ekta four-day assembly khula time deh, pontiff lokot deh.
2013 sal deh, tai para etu kui shae,” Manu ekjun gay taki nah Isor keh bisari ase koile tho, mui kun ase judge kuri bole?” Jua sal tai para priest kan same-sex couples kan keh blessings dib oleh allow kuri shae, kuto para dangor ekta conservative backlash trigger kuri shae.
Add Comment