Vatican City, 15 November : Pope Leo Saturday te Vatican te ekta audience te Hollywood laga leading actor aru filmmaker khan ke koi dise ki cinema survive kuri bole struggle kori ase aru eneka situation te bisi protect kuri bole aru movie dekha laga shared experience preserve kuri bole dangor importance ase.
Screen star Cate Blanchett, Monica Bellucci, Chris Pine aru Oscar-winning director Spike Lee bhi itu gathering te thaki ase.
Leo, juntu prothom U.S. pope, koi dise ki cinema global uncertainty aru digital overload te ekta important “workshop of hope” ase.
COVID-19 pandemic agey te thaka box office revenue bisi country te etu bhi reach kuribo napare, aru United States aru Canada te multiplex khan 1981 para te worst summer experience kuri thaka report ase (COVID shutdown count nakori).
Leo koi dise ki cinema, juntu itu saal te laga 130 anniversary mark kuri ase, light aru shadow laga simple play para grow kuri humanity laga deepest question reveal kuri paribo eneka ek form te convert hoi jaise.
Tai bhi koi dise ki digital stimuli te shape hoi thaka culture te story khan algorithm laga predict hisab te reduce hoi jabo risk ase.
Pope artist khan ke encourage kuri dise ki violence, war, poverty aru loneliness nisina subject khan honest way te confront kuribo, koi dise ki bhal cinema “pain ke exploit nakore; tai recognize aru explore kore.”
Tai director aru actor khan nohoi, behind-the-scenes te kaam kora worker khan ke bhi praise kuri dise — juntu craft para movie bana possible hoi — aru filmmaking ke “ekta collective endeavour juntu te kunu ekjon self-sufficient nohoi” buli describe kuri dise.
Speech finish hua piche te, invitee khan pope logot ek-ek kuri meet kuri gift bhi dise. Spike Lee tai ke New York Knicks laga basketball shirt dise, juntu te “Pope Leo 14” likha thaki ase.
Saturday laga meeting agey, Vatican pope laga charita favourite film share kuri dise — Robert Wise laga family musical “The Sound of Music,” Frank Capra laga feel-good “It’s a Wonderful Life,” Robert Redford laga emotional drama “Ordinary People,” aru Roberto Benigni laga sentimental World War Two drama “Life Is Beautiful.”
Add Comment