Rome, 5 March 2025: Pope Francis toh stable thakibo pari shey duita respiratory failure episode suffer kura pichideh Monday din te. Taikhan laka nightly update te, Vatican khan pra koishey ki Pope toh aro further respiratory failure nahoi leh bronchospasm laka episode dikha nai. Statement pra koishey, Tai afebrile thaki shey, hotai alert, therapies khan lokot cooperative thaki shey aro well-oriented. 88 saal pontiff toh hospital te thaki shey mid-February pra pneumonia nimite treatment karne. Monday din laka episode pichideh, Pope toh oxygen mask chula shuru hoishey aro ventilators b tai saas lubo leh madat karne.
Etu second time ase mechanical intervention toh chula laka, ventilators te dui din spend kura pichideh “isolated” breathing crisis hwa pichideh vomiting lokot Friday din te, Vatican pra koishey. Tuesday din laka update te, Holy See pra koishey Pope Franics toh high-low oxygen therapy te wapas switch kuri loishey. Din time te, tai prayer aro rest alternate kuri shey aro aji morning toh tai Eucharist paishey, enika koishey. Pope Francis toh procession aro mass toh miss kuribo leh ase Wednesday din te kun toh Lent laka first din mark kureh, six-week period Easter ke lead kura. Tai toh tai laka traditional Angelus prayer toh ahikina dibo napareh last tinta Sundays te.
Pope ke February 14 te admit kuri dishey hospital te, several din karne saas lubo leh duk pa pichideh. Taike first bronchitis nimite treat kuri shey, duita lungs te b pneumonia pra diagnosed nahwa agae te.
Add Comment