Agencies, 11 September: Ektum popular Malayalam TV star Ramesh Valiyasala toh Saturday te morikena paise. Etu khobor industry sources para janaishe. Tai toh tai laga khor osor te hang korikena paise aro police para unnatural death laga case registered korise aro investigation suru korise koise. Ramesh toh tui din agae tai laga latest project nemite shoot kora jaga para khor te korai aha thakise koise.
Ramesh mora khobor jana bechite, tai laga shati aro colleagues film aro TV fraternity para social media te tai laga family ke mondukh janaishe.
Producer aro production controller NM Badusha toh social media te actor mora khobor first janaideya thakise. Badusha para Facebook te lekha te besi dekthari toh thakibo hoilebe jevaan para polaija toh ke point ase koise. Tai para tai laga dear shati Ramesh ke tributes deshe.
Tai toh ekta most popular aro busy TV serial actors thakise state te aro films te be act korise. Ramesh toh tai laga college days bechite joldi tai laga shati khan logote ddrama stage loise aro jaija 22 sal nemite tai toh ekta ektum busy actor thakise koise.
Tamil industry te suicide nemite besi mora toh dekhi thakise. Poila actor Chitra toh tai nejor laga jevaan lowa thakise. tai toh soap opera Pandian Stores para fame howa thakise. Tai toh tai laga married life te dekthari lok powa bechite suicide kora thakise koise. Tamil Television actor Indra Kumar actor be Kollywood film industry te kaam kora thakise aro tai February 19, 2021 te tai laga shati khor, Perambalur te ekta ceiling fan te hang korikena mora powa thakise.
Add Comment