Porana Home Minister Lalzirliana MNF te

AIZAWL, October 15, 2018: Congress vice-president R. Lalzirliana Mizo National Front (MNF)  te officially  ahibole ase Monday te .Party source khan koikena janaishe . MNF youth wing vice-president Lalremruata Chhangte pora The Telegraph ke koishe Lalzirliana MNF te ahibole ase kile koile tai pora legisalator laga post pora olaijaishe . Lalzirliana Lal Thanhawla’s cabinet  pora September 14,olaijaishe  tin din  akhe party high command pora notice diya pichede .Etu hoishe koile toh tai mesa misi kaam kura nimete ase .September 17 te tai ke party pora hataishe  .Friday din te Lalzirliana legislator post pora hatijaishe  aro manishe  MNF te jabole koikena  .Tai koishe ahibole thaka Assembly polls toh tai MNF ticket pora hi contest kuribo.Source koishe ki   Lalzirliana toh tawai pora contest kuribo.Etu constituency toh     tai pora char bar contest kurishe 1998 sal pora . Chhangte aro koishe ki tai khan pora naam khan olaidibo  Assembly polls October 22 te lobole thaka karne .Tai aro koishe party khan pora candidates khan laga naam olaishe  aro state laga alag alag jaka te  campaign khan shuru kurishe  .MNF khan pora sob  40 Assembly seats nimete contest kuribole ase aro okobi kotha olanai dusra party khan logote mila . Zoram People’s Movement (ZPM), 7 ta parties khan miliken a ola toh tai khan pora bi candidates khan laga naam olabole ase October 24 te. secretary general, K Sapdanga, koishe etu alliance laga official candidate laga naam toh  Aizawl Press Club October 24 te lobole thaka function te naam khan laga khobor dibole ase Tai aro koishe  candidiate khan laga naam ola pichede tai khan ke   kosom khabole dibole ase .