May 12, 2025, 06:44 PM: District Legal Services Authority, Phek para District Administration logotey collaborate kuri kena, ekta sensitization program organize kurishey, POSH Act 2013 tey, department laga district head khan logotey, Deputy Commissioner laga office, Phek tey, 9th May, 2025 tey.
Tai laga keynote address tey, Phek laga DC & Mission Shakti laga Chairman – Rhosietho Nguori para bishi chinta thaki kena kotha kurishey, itu sexual harassment laga issue opor tey, Government office tey, Nagaland tey bhi. Tai para itu nimitey suggest kurishey aru itu District Officer khan ke hudishey, Internal Complain Committee laga set up kuriboley nimitey, tai khan laga respective district office khan tey, para tak juldi para.
Resource person, Mezivolu T. Therieh, NJS, District Session Judge & Chairperson, DLSA para POSH Act 2013 opor tey kotha kurishey. Tai para highlight kurishey, itu sexual harassment toh hoiley, itu India laga Constitution laga Article 14, 15, 19 aru Article 21 ke violate kuria laga asey, aru itu pichetey tai para itu POSH Act 2013 toh ki nimitey asey itu laga opor tey samjhaishey, kuntu toh hoiley protection provide kurey maiki khan ke sexual harassment against tey, kaam kuria jaga khan tey.
Tai para itu role aru responsibility khan opor tey kotha khan bhi kurishey, itu Officer khan laga Head khan laga, employer khan para, aru tai para Internal Complain Committee (ICC) banaboley karney emphasize kurishey, itu office khan tey, dosta para bishi employee para bishi asey, utu kaam jaga khan tey.
Add Comment