DIMAPUR, SEPTEMBER 22 : Poshan Abhiyan Programme laga naam pora Department of Social Welfare Dimapur District kan Baby Show (bacha dekha) koi kena chis manaise. Etubi Ana Ki, Kids Worship Center Dimapur te 22nd September 2018 te.
Etu Baby Show Competition te sob melai kena 87 bacha kan sob communities pora ahe kena hisha kuri kena thakise. Aro etu din te Director Social Welfare, T. Merangtsungba Aier toh Special Guest nemite ahe kena etu din toh suru kuridese koise. Aro etu din te kotha kurikena tai bacha kan toh bhal Weight aro Heaight hisabte bhal te dangor hobo lagi. Etu nemite bacha kan ke bhal te dawai toh khelabole thaka kan toh khelabole lagi koi kena janaide thakise.
Etu din te amma kan laga kao bhal te thakibole laga hisabte bi kotha kurikena tai ami kan manu laga jeevan te ahkete amma laga kao toh thik pora aro bhal te rakhibole kuribo lagi. Etu huilehi ami kan sob logot bhal hobo koi kena janaise. Kele bacha junum hua pora 2 sal dak toh amma bhal kao te thaki lehi bacha bi bhal te ahkete luijabole bara hobo koi kena.
Etu din te State Ambassador, Rashtriya Poshan Abhiyan, Prof. Alongla P Aier toh Guest of Honour nemite ahe kena thakise. Aroe tu din te tai baba-amma kan ke neju-neju bacha kan thik pora kao bhal te rakhibole kuribo lagi koi kena janaide. Kele kao bhal te thaka bacha kan pora hi ahebole din tea mi kan Society aro Nation te ahkete luijabole bara hobo koi kena. Tai bi etu Department ke etu nesena din manabole kura karne besi khushi baa aro salam diya janaide thakise koise.
Etu din te Deputy CMO, Dr Antoly porabi kotha kurise. Etu ke tai ped te bacha thaka amma kan ke bacha babole time te ekta bhal Hospital te jai kena sabole kuribi. Aro bacha baa bejete bacha kan ke dooth toh 6 moina pura khelabole kuribi koi kena mon dangor kura kotha janaide thakise koise.
Etu Baby Show Competition te, Baby Imnajungla Mollier 1st Prize hisabte ahese aro Rs. 5000 cash prize baise. 2nd Prize te Baby Akili K. Jimomi ahese ari Rs. 3000 cash prize baise. 3rd Prize toh 2 jun pora baise. Aro etu 3rd Prize nemite toh 2000 cash prize 1 jun-1 jun pora baise (each). Aro etu 3rd prize baa kan toh Baby Kechtyile aro Temsuakum pora baise koise.
Tusera Sub-Category winners kan toh Best Smile te Veyie Tetseo pora baise, Best Dressed te Likhumgha Zhimomi pora baise, All Round te Ninuka Aye pora baise, Most Healthy Baby te Lendisen pora baise, Most Active Baby te Mathew pora baise koise. Aro tai kan sob ke cash prize nemite Rs. 1000 1 jun-1 jun te dedese koise. Aro etu Competition te hisha kurikena thaka sob ke Rs. 500 dese koise.
Etu Baby Show Competition te Panel of Judges kan toh T.Merangtsungba Aier, Director Social welfare, Professor Alongla P.Aier, State Brand Ambassador, Dr.Antoly Swu, Dy.CMO, H&FW, Tosheli Zhimomi, District Welfare officer, Dimapur aro Dr.Akumtoshi, Pediatrician, Zion Hospital, Dimapur kan thakise.
Etu din te Welcome note toh DPO (ICDS Dimapur) S. Nezolu Rakho pora kuridese. Aro khotum kurdiya kotha toh CDPO Niuland, Akali Sema pora kuridese koise.
Add Comment