KOHIMA, SEPTEMBER 19 : Advisor, Social Welfare, Noke Wangnao pora Poshan Videos aro Radio Jingles toh ulaidese. Aro etu ula toh sob bhal te bhat kan nemite saidebole karne ase (eradicate malnutrition). Aro bacha aro maiki (women) aro ped te bacha thaka maiki kan nemite bhal te Bhat kan (Nutrition) khelabole aro debole karne ase koise.
Etu din nemite Programme toh Poshan Maah (National Nutrition Month) hisabte manaise. Etubi Hotel Japfu Conference Hall, Kohima te 19th September 2018 te. Etu din te kotha kurikena Advisor Noke Wangnao pora Poshan Abhiyan toh Prime Minister Narendra Modi pora ulabole kura laga ase. Etubi biya bhat aro nahua bhat kan besi thaka hataide kena bhal te ahkete luijabole karne. Aro etu toh sob bacha aro ped te bacha thaka kan nemite hi bhal hobo karne ase koi kena janaide thakise.
Tai bi etu din Nagaland te ula dekhe bai kena besi khushi baise. Aro tai laga Department Social Welfare kan bi etu din 1 moina manabole kura toh bhal te manabole kuribo koi kena janaide thakise.
Etu Programme mana time te katha Videos kan etu Poshan Abhiyan aro Radio Jingles laga hisabte banai kena ulaidese. Aro etu din laga Programme te Key Note toh Secretary, Social Welfare Sarah Ritse pora kuride kena tai neju laga bhal babuna (knowledge) kan janaide thakise. Etubo etu Flagship Programme “Poshan Abhiyan” te hisha kurikena thaka manu kan ke. Aro etu hisha kurikena thaka manu kan sob ke etu nesena din pora bhal te ahkete luijai kena thakibole kuribi koi kena janaide.
Etu Programme toh Director, Social Welfare, T. Merangtsungba pora ahkete luijai kena manaise. Aro etu din te Officers aro Staff kan etu Department laga aro Anganwati nemite kam kura aro motub kura kan ahe kena thakise koise.
Add Comment