September 19, 2025, 07:03 PM: State Council of Educational Research and Training (SCERT), Nagaland para PARAKH logotey collaborate kuri kena, ek din laga workshop organize kurishey, Post PARAKH Rashtriya Sarvekshan 2024 Dissemination opor tey, SIEMAT Hall, SCERT, Kohima tey para, 19th September, 2025 tey.
Additional Director, SCERT Nagaland, T. Lima Longkumer para tai laga address tey emphasize kurishey, ki, education toh hoiley, progress laga foundation asey, aru note kurishey ki, itu survey report toh hoiley bishi value thaka insight khan provide kurishey – level khan shikhiboley para laga, teaching practice kuriboley para laga, school environment khan aru itu challenges khan toh hoiley bacha khan future shape kurishey.
Tai para highlight kurishey ki, itu surey toh hoiley Grade 3, 6, aru 9 laga student khan ke assess kurey, language, mathematics, science aru social science khan laga area khan tey, teacher tyaari kuria, infratrure, aru community participate kuria laga homoi tey.
Longkumer para state kurishey, ki, itu showcase laga result toh hoiley takot bhi showcase kurey, aru utu area khan tey kotey aru bhi bishi wala effort lagi asey tatey.
PARAKH, NCERT laga CEO aru Head – Prof. Indrani Bhaduri para tai laga keynote address tey, PARAKH Rashtriya Sarvekshan (PRS) ke ekta robust national large-scale survey hisap tey describe kurishey, kuntu toh hoiley evidence karney design kurishey.
Prof. Bhaduri para emphasize kurishey ki, PRS toh hoiley ekta baseline hisap establish kurey, progress monitor kuriboley nimitey, future cycle khan tey, ensure kuri kena ki, evidence toh hoiley concrete action tey translate kurey, itu grassroot khan tey.
Add Comment