Dimapur, 04 April: State-level Special Revenue Team of Power Department para ekta meeting toh 2021-22 FY nemite office of SLDC, Nagarjan (Kuda), Dimapur te 2nd April 2022 te loise. Joint Secretary, Power, Sara S Jamir toh State Level Special Revenue Team of Power Department laga team leader be hoi. Tai para Nagaland te power supply laga kami nemite Department toh consumers ke uninterrupted/dekthari napai kena power supply debole napari koise. Hoilebe komti thaka logote department para consumers te debole parise koise.
Revenue collection te phal howa logote, tai para department toh ahibole din te consumers ke phal power supply debo pari bhabona howa koise. Power toh ekta service sector howa nemite priority toh debo laki koise, consumers ke phal service debole nemite. Revenue jama kora te, team leader para Team Dimapur aro Chumukedima te Rs 102 Cr meli kena kamiyab nemite congratulate korise. Tai para tuita division te momentum logote thakibole aro ahibole saal te 100 percent revenue target te kamiyab koribole kaam koribole koise aro etu samai te consumers laga satisfaction te yaath rakhi thakibole koise. Pre-paid metering opor te tai para EE Dimapur te target areas laga extensive sensitization nemite jabole koise aro tai khan ke prepaid meter jola opor te kobole koise. Chumukedima aro Dimapur laga executive engineers para special Revenue team te tai khan laga hotai support aro monitoring nemite dhaniyabad janai deya thakise.
Add Comment