May 03, 2025, 05:56 PM: National Coordinator, AICC Minority Department, Manipur In-Charge, Rajesh Kumar Seth para koishey – “260 manu murishey, Hazar-Hazar manu khan laga ghor nathaka hoi jaishey: Manipur toh Juli asey, BJP para President’s Rule aniboley diri kuri thaka para”.
“Itu ethnic violence hoa, Manipur tey, itu toh hoiley 2023 para shuru hoa laga asey, itu hoa toh hoiley government laga dangor failure hoa laga example ekta asey, tatey former Chief Minister N. Biren Singh toh hey main thaki ken aitu crisis laga. Tai laga divisive policy khan, Kuki-Zo community khan ke target kuria khan nishina, tatey para khidai diboley laga, forest laga mati tey para aru itu para bishi jui dangor hoi jai kena “illegal immigrant” khan laga, itu para aru bhi jhamela hoa ke dangor kuri dishey, itu Meitei aru Kuki community khan majetey, kuntu tey 260 manu khan muri jaishey aru hazar-hazar manu khan ghor chari kena polaboley laga hoi jaishey.
Biren Singh laga against tey allegation thaka toh grave asey – leak hoa laga audio tape khan, kuntu tey 93% awaz match hoishey, utu para dikhai ki, Biran para Union Home Minister – Amit Shah laga order ke defy kurishey, aru tai para bonduk gul ichor kuria manu khan ke ulta bachai thakishey aru tai ban hoi kena thaka Meitei militant group khan logotey coordinate kuri thakishey.
Add Comment