PR: Assam Rifles Para Khoon Donate Kurishey, Ekta Bishi Bimar Thaka Bura Manu Ekta Ke Bachaboley Karney, Kiphire District Tey

August 03, 2025, 06:54 PM: Tai khan laga commitment demonstrate kuri kena, humanitarian service karney, itu Assam Rifles laga troop khan para aru bhi, khara kurishey, ekta jeevan bachaboley, Nagaland laga Kiphire district tey. August 1, tey, 1500 hrs nishina phaney, ekta modod manga laga call receive kurishey koishey, Assam Rifles Battalion Headquarters, Kiphire tey, juldi para assistance request kuri kena, duita unit laga O+ khoon nimitey, ekta bura manu patient nimitey, kun toh hoiley critical condition tey thakishey, itu Kiphire laga District Hospital tey. Itu situation laga seriousness toh realize kuri kena, Assam Rifles laga personal para phat para volunteer kurishey aru lagi thaka khoon toh donate kurishey. Itu juldi para aru thik homoi tey, jawab di kena, itu troop khan para, itu patient laga condition ke stabilize kurishey aru tai laga jeevan bachaishey. Itu patient laga parivar aru itu medical staff para itu hospital tey tai khan laga mon chuwa laga gratitude express kurishey, Assam Rifles khan ke, tai khan laga noble aru thik homoi tey modod diya karney.