May 06, 2025, 05:42 PM: Ekta felicitation programme loishey, itu SP Office Conference Hall, Kohima tey para organize kuri kena, itu 97 student khan laga academic accomplishment ke honour kuriboley, kun khan toh hoiley itu HLSC/HSSLC 2025 tey excel kurishey.
Itu event toh hoiley tai khan laga mehnat celebrate kuriboley, continue academic dedication inspire kuriboley aru tai khan laga parivar khan aru itu police community laga supportive role ke acknowledge kuriboley, tai khan laga success tey.
Itu achieve kuria manu khan majetey, Mr. Takayuba Ao kun toh hoiley UBC Imlinungsang Ao laga chukra asey aru Model Higher Secondary School, Kohima laga student asey, tai 9th rank tey ulaboley parishey, itu Commerce stream tey. Tai ke Rs. 10,000/- laga cash award logotey felicitate kurishey, aru alag 96 student khan Rs 1000/- dishey sob ke appreciate kuria laga token hisap tey.
Itu programme toh hoiley, Kohima laga Additional Superintendent para chair kurishey, Shri Teisovise Metha, IPS, Superintendent of Police, Kohima para toh hoiley motivational address feature kurishey.
Tai laga speech tey itu student khan ke commend kurishey, tai khan laga perseverance nimitey aru tai khan ke aru bhi agey puri kena jaboley urge kurishey, itu same diligence aru integrity logotey.
Shri Johnny M. Patton, Dy. SP (R), Kohima para bhi ekta khata kotha deliver kurishey, keneka life tey successful hoboley lagey, koi kena.
Itu event toh hoiley prathana logotey khotom kurishey, PUBC laga Pastor – Rev. Vesotsü Rhakho para prathana kuri kena aru itu pichetey light refreshment khan aru informal interaction khan kurishey.
Itu department para proud thaka laga express kurishey itu achiever khan opor tey aru optimist thaka laga dikhaishey, tai khan laga future nimitey.
Add Comment