Prabhas laga ‘Kalki 2898 AD’ film laga kamayi laga starting tu Rs 33 crore hoikina strong hoisey

New Delhi, June 27 : Nag Ashwin laga sci-fi film, Kalki 2898 AD tu box office te bisi bhal response paisey. Etu film te Prabhas, Deepika Padukone, Amitabh Bachchan aro Kamal Haasan asey. Etu film tu etu advance booking te aro etu film laga kahani likhi thaka homoi para 55 crore kamai loisiley. Etya etu film release hoijaisey aro release hoikina first din te box office te already Rs 32 crore opor kamaisey. Sob milaikina, etu film tu duniyabhor te Rs 200 crore opor kamabole expect kuri asey. Industry tracker Sacnilk laga hispa te, Kalki 2898 AD para 20 lakh opor ticket bikri kurisey aro block seat ke nimilaikina Rs 55.11 crore poisa kamaisey. Block seat tu company khan para ekbar te bisi booking kora asey. Block seat ke milaikina etu film laga kamayi tu etya tak Rs 61.8 crore maan hoisey. Kalki 2898 AD tu Thursday din te theatre te release hoisey. Aro etu film laga screening tu joldi, 7:30 am para suru hoijaisey. Aro 1:30 pm tak te etu film laga kamayi tu Rs 32.97 crore paar hoijaisey. Etu film para Prabhas laga etu ageyte theatre te release huwa film ‘Adipurush’ laga first din laga kamayi ke paar kuridisey. Adipurush film tu first din te Rs 26.39 crore kamaisiley. Judi etu film para release huwa laga first din te Rs 200 crore opor kamabole parisey koiley etu tu duniyabhor te third sobsey dangor Indian opener hobole asey. Etya tak tu top spot te SS rajamouli laga ‘RRR’ asey kuntu first din te hey Rs 223 crore kamaisey. Aro etu picheyte asey SS rajamouli laga ‘Baahubali 2’, kuntu Rs 217 crore kamaisiley. Etu film ke Vyjayanthi Movies para Rs 600 crore laga bisi dangor budget te produce kurisey. Aro enaka kurikina etu tu India laga sobsey expensive(daami) film hoisey.