New Delhi, June 30 : Prabhas laga latest film, Kalki 2898 AD tu rokhabole napara laga takat para box office te hungama machai asey. Duniya bhor te Rs 415 crore kamaikina aro India te Rs 220 crore kamaikina, etu film tu sob taraf para record bhangai asey. Etu film release huwa laga first din te duniyabhor te Rs 191.5 crore kamaikina etu film tu 2024 laga sobsey dangor opener hoisey. Etu para Hrithik Roshan laga Fighter film ke pichey charidisey kuntu tu release huwa first din te Rs 35 crore hey kamaisiley. Release hoikina khali 3din picheyte, Kalki 2898 AD tu 2024 laga sobsey bisi poisa kama film hoisey. Etu film laga ageyte, etu position te Teja Sajja laga tElugu film Hanu-Man para dhuri thakisey, kuntu para duniyabhor te Rs 350 crore kamaisey. Kalki 2898 AD tu release huwa din te third sobsey bisi poisa kama Indian film asey. Etu para KGF 2 aro Jawan nisna blockbuster film laga opening day(release huwa first din) record paar kurisey, kuntu first din te duniyabhor te Rs 159 crore aro Rs 129.10 crore poisa kamaisiley. Nag Ashwin para direct kora etu film Kalki 2898 AD te Amitabh Bachchan, Deepika Padukone aro Kamal Haasan lead role te asey.
Prabhas laga Kalki 2898 AD tu khali 3din te hey 2024 laga sobsey bisi kamayi kora film hoisey
Add Comment