Prabhas laga Salaar tu Japan te third sobsey bisi kamai huwa Indian film hoisey

New Delhi, July 10 : Prabhas laga etya jashan mana laga homoi chuli asey.  Etu pura India te mashoor thaka star para Salaar aro Kalki 2898 AD logotey lagatar bact-to-back hit film disey. Aro etya tailaga mehnat laga phal pai asey. Prabhas para . Yatey tailaga Kalki 2898 AD tu 500 crore club te sobsey joldi gusa film hoisey. Aro dusra fale, tailaga film Salaar tu India te release hoikina bisi moina picheyte Japan te hal-chal machai asey. July 05 te, etu action para bhorta thaka film ‘Salaar’ tu Japan te release hoisiley. Hoilebi India te, etu film tu juwa saal laga December moina te release hoisiley. Aro India te Rs 650 crore kamaisey. Etya 7 months picheyte, etu film tu Japan te release hoisey. Aro etu film para 200 maan screen te bisi bhal perform kurisey. Etu film para Japanese Yen te 18.22 million kamaisey. Etu logotey, Salaar tu Japan te release huwa laga first din te third sobsey bisi poisa kama film hoisey.  Etu film tu Japan te bisi bhal perform kuri asey. Monday aro Tuesday din te, etu film para 5 million Japanese Yen kamaisey. Etu nimitey, etu film laga total kamayi tu olop din te 23 million Japanese Yen hoisey. Etu logotey etu film para Shah Rukh Khan laga Pathaan aro Aamir Khan laga Dangal ke pichey charidisey. Etu film tu aro bisi kamabo koikina akha kuri asey.