Prabhas ‘Mission Impossible 7’ te Tom Cruise logote thakibo

Agencies, 25 May: Prabhas toh tai laga blockbuster hit ‘Baahubali’ bechae para India te ekta ektum morom kora celebrities hoise. Etiya be fans toh ektum janibole monn ase tai laga professional jevaan te notun development opor te.
Apuni khan besi jun toh ashrut thakibo actor ke toh Hollywood flick ‘Mission Impossible 7’ bona para tai ke kaam laga role koribole nemite mela te.
Social media te phela post hisab te, actor toh director Christopher McQuarrie ke lok korise aro film laga script poriya bechite tai kushi hoise aro project nemite manishe. Etu project te stars Tom Cruise be ase. Etu sob howa toh Italy te Prabhas toh tai laga ahibole project ‘Radhe Shyam’ nemite thaka te hoise koise. Etu ekala nahoi kena actor be project te tai laga part toh etiya shot kori ase aro tai India te joldi korai ahibo koise.
Film Mission Impossible te be star actors- Ving Rhames, Henry Czerny, Simon Pegg, Rebecca Ferguson, Vanessa Kirby, Angela Bassett aro Frederick Schmidt nesana khan ase. Action-flick toh United States te May 27, 2022 te olabole ase aro etu toh July 2022 te Paramount+ te stream kora thakibo.
Judi etu toh hosha hoi jaishe koile Prabhas be Indian stars Irrfan Khan, Priyanka Chopra, Ali Fazal, Dhanush nesana khan international te jaa list te ahibole ase.
Kaam te, tai ke etiya Salaar toh Prashanth Neel logote, Adipurush toh Om Raut logote, Radhe Shyam toh Radha Krishna Kumar logote #Prabhas21 toh Nag Ashwin logote ase.