Prabowo Indonesia la president hoina corruption ke fight kuribo koishey

Indonesia, 20 Oct 2024: Prabowo Subianto ,duniya la fourth sopse populous country la president hoina oath loishey tai Indonesia te corruption ke fight kuribo. 73 saal purana general aro defence minister, traditional kala topi, woven maroon aro golden sarong, navy suit chulai kina Sunday din parliament te sworn kurishey populist leader Joko “Jokowi” Widodo ke succeed kuribo leh. Prabowo, military commander hoina rights abuse kurala allegation face kuri kina February te election swept kurishey, 280 million manu la country lead kuriboleh. Country la eighth president hoina taila inaugural speech te tai promise kurishey Indonesia ke aro bishi self-sufficent banabo. Tai koishey democracy te thaka time te polite hubo lageh. Prabowo presidency nimite tin bar try kurishey. Aro assured kurishey tai sop Indonesians karne president hubo aro nation ke challenge kurishey taike madat dibo leh country la problem khan ke sabo leh. Taila swearing-in ceremony te taila running mate, Gibran Rakabuming Raka, 37 saal, Widodo laka sopse dangor bacha b thakishey tai lokot.