Prajnesh Gunneswaran semifinals kushise

Agencies, 22 November:  Thursday din Prajnesh Gunneswaran toh KPIT-MSLTA Challenger laga semi-finals deh kushibole parise. Tai Alexander Nedovysov logode straight sets jetibole para thakise. Prajnesh toh chart deh ekpar top-100 ponjibole para thakise. Hoilebe tai etya 186 deh thakise. Tai Alexander Nedovysov 6-4 6-4 pora jeta thakise aro tai jun laga khel toh ek-khonda aro 23 minute time deh kothom howah thakise. Nedovysov aro Prajnesh majode log powah toh second wala ase. First toh 2016 sal Prajnesh laga home city, Astana jaga deh khela thakise. Etu time dehbe tai pora jeta thakise.  Tusara quarterdinal match deh, third seed Elias Ymer pora German qualifier Sebastian Fanselow logode 5-7 6-3 6-4 pora jetise.