Indonesia, 3 November : India laga para-badminton team Indonesia Para-Badminton International te dangor performance dikhai kene chamki uthise, juntu te Pramod Bhagat aru Sukant Kadam laga pair aru char jon player milai kene alag-alag category te gold medal jeet kene India laga dominant campaign ke finish korise.
Tokyo Paralympic champion Pramod, Sukant ke sath pair up kori kene men’s doubles SL3-SL4 gold medal jeetise, Indonesia laga Dwiyoko aru Setiawan ke 21-16, 21-12 te harai kene.
Pramod laga kotha te, “Itu ekdam incredible feeling ase Sukant ke sath gold jeeti kene, etta demanding tournament laga pisot. Pratek medal amikhan laga hard work aru India represent koribo laga proud dikhai ase,” koi disey.
India laga dominance men’s singles SL3 aru SL4 category te bhi continue hoise, juntu te Nitesh Kumar aru Sivakumar pura tournament te strong performance dikhai kene champion hoi jaise.
Mahila singles SU5 te, Manisha Ramdass flawless performance dikhai kene gold jeetise, aru SH6 te Sumathy Sivan bhi aru ekta gold add korise India laga medal tally te.
Pramod mixed doubles te bronze medal bhi loi disey, aru Tokyo Paralympic champion Krishna Nagar men’s singles SH6 te bronze aru mixed doubles SH6 te silver medal jeetise.
Krishna aru partner Sumathy Sivan final te Indonesia laga Subhan aru Marlina ke against bhal try korile bhi 13-21, 9-21 te haar jaise.
Aru baki player khan majot Solaimalai (silver, SH6 men’s), S. Kumar (silver, WH1 men’s), Prem Kumar aru Alphina James (silver, mixed doubles WH1-WH2), aru Abu Hubaida aru Prem Kumar (silver, men’s doubles WH1-WH2) bhi desh karone medal loi kene naam roshan korise.
Add Comment