Tokyo, 24 November : Shooting te, Pranjali Prashant Dhumal itu din Tokyo te choli thaka 25th Summer Deaflympics te women’s 25m pistol event te ekta gold medal jitise, aru itu tai laga third medal ase itu multi-sport event te. Pranjali final te jabo logot 573 out of 600 score kori naga world aru Deaflympic qualification record banai loi final te pahunjise. Ukraine laga Mosina Halyna silver loi se, aru South Korea laga Jeon Jiwon bronze loi se.
Anuya Prasad, juntu women’s air pistol te gold medal jitithaka, itu event te fourth finish kori se. Pranjali pichete Mixed pistol event te Abhinav Deshwal logot gold loi se, aru women’s air pistol te silver loi se.
Itiya India laga shooters sob milaina 16 medal jiti loi se itu Deaflympics te—7 gold, 6 silver aru 3 bronze. Overall hisab te, India 26 gold, 9 silver aru 17 bronze loi se.
Add Comment