Siliguri, 12 January : Singer-actor Prashant Tamang laga mortal remains, jitu Delhi te nidhan hoisey, Monday puwa Bagdogra airport, Siliguri te ani dise. Prashant laga funeral Darjeeling te hobo, family members aru local villagers laga presence te.
Darjeeling laga BJP MP Raju Bista bhi Bagdogra airport te present thakisey, singer ke final respects dibole. Prashant Tamang Northeast te ekta bohut respected personality thaka karone, bohut dignitaries taikhon ke last respect dise. Darjeeling laga Chowrasta te ekta public viewing schedule kora ase, jitia fans khon ahi kene taikhon ke last respects dibo paribo.
BJP MP Raju Bista aru entertainment community laga aru bhi bishi prominent figures, late singer laga final respects dibole ahi thakisey. ANI laga report hisab te, Gorkha Shaheed Sewa Samiti (GSSS) laga National President Andrew Gurung koise ki, Prashant laga final rites Darjeeling te hobo, jitu taikhon laga hometown.
Prashant Tamang, jitu Indian Idol Season 3 jiti kene famous hoisey, Sunday Delhi te taikhon laga residence te nidhan hoise. Music te nijor strong position bonai pichete, Prashant successful actor bhi hoise aru bohut Nepali films te kaam korise, jikhon laga bohut film blockbuster hoisey. Last saal, tai Prime Video laga popular series Paatal Lok Season 2 te surprise appearance dise. Tai Salman Khan laga upcoming film Battle of Galwan te bhi thakibo ase buli expected, jitu taikhon laga last film appearance hobo pare.
43 umar te Prashant laga sudden death pora bohut speculation ulai ahisey. Kintu taikhon laga wife Martha Aley, sob rumor aru theory khon clearly deny kori dise. Tai clarify kori dise ki, Prashant laga death logote kunu suspicious circumstance nai.
Add Comment