London, 7 March : Thursday din home match te Tottenham jetiya 34 minute te striker Dominic Solanke goal kori lead loi dise, tetiya host team karone 2026 te agey league win ahibo pare kuina lagaise.
Kintu halftime agey sob ulta hoijai dise. Tottenham defender Micky van de VenIsmaïla Sarr ke penalty area bhitor foul kori diya karone red card pai dise. Sarr penalty mari equalise kori dise.
Itu pichete Adam Wharton ekta bhal pass dise Jørgen Strand Larsen ke, juntu stoppage time laga first minute te low shot mari Guglielmo Vicario ke beat kori goal kori dise. Wharton aru ekta classy assist dise Sarr karone, juntu Palace ke 3-1 lead dise.
Match start te bhi Sarr ekta goal korise, kintu marginal offside karone etu cancel kori dise, Solanke laga opener agey.
Second half te 10-man Tottenham fight korise, kintu subdued atmosphere majote tai khan aru goal rokhhibo parianai. Etu defeat tai khan laga lagatar 5th league defeat hoise aru winless run 11 match pohorise.
Etya Tottenham laga 29 match te 29 point ase, juntu Nottingham Forest aru West Ham United pora matro ek point beshi ase. On the other hand, Crystal Palace etu win logote standings te 13th position te uthise 38 point loina.
Tottenham Premier League te sob time thaka club ase aru last time 1977 te top flight pora relegated hoise. Kintu interim manager Igor Tudor joldi situation change nokorile team relegation zone te pori jabo pare.
Add Comment