London, 28 October : Tottenham Hotspur laga Micky van de Ven laga duita headed goal te tai laga team Everton upor 3-0 Premier League win loi jaise Sunday te, juntu win para Tottenham first team hoi jaise jiman ki Merseyside club laga notun stadium te jitise. Tottenham shuru te slow khelise, kintu 19th minute te lead loi jaise kitia Dutch defender Van de Ven corner para goal line upor pora head kori ball net te dikhai dise. Jake O’Brien bhi thik itu pichete equalise korise buli lagise, kintu tai laga strong header Tottenham goalkeeper Guglielmo Vicario upor foul paise kuina disallow kori dise.
Van de Ven first-half stoppage time te aru ekta corner para close-range header marikena Tottenham laga lead double kori dise, juntu karone Everton laga situation dangor problem te padise.
Second half te Vicario dangor-dangor save korise, aru Tottenham ta laga lead protect kori rakhise. Substitute Pape Matar Sarr bhi ekta late header marikena third goal add kori victory confirm korise. Itu win para Tottenham 9 game pora 17 point loina table te third position te uthise. Everton etiya 11 point loi 14th position te ase.
Add Comment