August 17, 2024: Female fetus detection aro arbortion laka illegal practice, kuto para Mandya district deh widespread outrage spark kuri shae agae deh, etu tho aro ekbar ahi jai shae. Etu time tho ekta farmhouse deh taki shae, kuto Mavinakera village, Nagamangala taluk deh ase. Etu tho ekta high-profile case keh follow kuri shae, kuteh enaka nishi nah activities kan keh uncover kuri shae, Pandavapura Government Health Quarters deh. Crackdowns kan hui nah b illegal practice tho itia b hui ase.
Thursday rati deh, District Health Officer (DHO) Dr. Mohan aro taila team para ekta raid kuri nah, Mavinkera laka ekta farmhouse deh illegal activities kan uncover kuri shae. Operation time deh, officials kan ekta abortion kits aro ekta scanning machine keh detect kuri shae, kuto female fetues kan keh detect aro abort kuri bole chui. Ekta pregnant maike keh b pai shae, utu scene deh. Authorities kan para etu tho taila third pregnancy taki shae kui shae aro tai tho ekta female fetus keh abort kuri bo karne ahi shae kui shae.
Police para etu case laka connection deh teenjun manu keh arrest kuri shae: Manohar, Pregnant maike laka mota; Nagamani, ekta housekeeper; aro Dhananjaya, farmhouse laka owner. Hoile b main accuse, Abhishek, kun etu illegal scans tho conduct kuri taki shae, tai pola bole pari shae. Authorities kan para ekta manhunt keh launch kuri nah ase, taike duri bo karne.
Add Comment