Agencies, 26 September: Wednesday de, Saina Nehwal toh BWF World Tour Super 500 tournament laga USD 600,000 Korea Open prequarterfinals de pongjibole parise. Tai Korea’s Kim Hyo Min logode 21-12 21-11 pora jeta thakise. Etu sal laga 18th Asian Games de Saina Nehwal toh bronze medal jeti kena ase aro tai Commonwealth Games debe gold jeta thakise. Fifth seeded Indian toh next local qualifier Kim Ga Eun logode khelibole ase. Hoilebe Swiss Open champion Sameer Verma aro othi thaga shuttler Vaishnavi Reddy Jakka nemide toh thekana nai. Etu hapta Hyderabad Open de title jeta Sameer toh Denmark’s Anders Antonsen logode men’s singles match de 21-15 16-21 7-21 pora namija thakise aro Vaishnavi toh USA laga sixth seed Beiwen Zhang logode 10-21 9-21pora hara thakise. Saina toh tai laga first-round de eman dekthari powah thaga nai. Tai 6-2 pora lead loi kena 12-3 pora othija thakise. Etu bechide tai first game toh loi-lowah thakise. Second game de, Saina toh first 5-2 pora agae de thakise aro tai Kim pora dur de thakise. Kim toh Saina logode osor points pongjibole kosish kora thakise. Hoilebe Saina toh ektum gara thakise Kim nemide. Last de Saina toh 19-10 pora agae thaki kena aramse jeti lowah thakise.
Add Comment