President-elect Joe Biden COVID-19 vaccine loishe

WASHINGTON: Monday din US President-elect Joe Biden logot COVID-19 vaccine thishe aro tai para etu lowa toh manuh khan logot vaccine toh tayar te ase koboli mon nemite. Biden para first course Pfizer-BioNTech vaccine toh ChristianaCare Hospital te loishe. “ami etu lowa toh manuh logot thikabo nemite aro vaccine loboli manuh khan tayar thakiboli nemite, aro etu te bapana koriboli eku nai,” koikena tai para koishe. Christiana Care Hospital te Tabe Masa, Nurse Practitioner aro Head of Employee Health Services para vaccine toh thishe. Dr Jill Biden toh olop din akhe te first course vaccine toh loikena ase, aro etu samai tai be thakishe.“aji, ami COVID-19 vaccine toh loishe. Scientists aro researchers kaun khan para mon thikena kam korishe, tai khan logot besi kushi powa janai ase. Ami khan tumi khan logot baki besi ase”, koikena Biden para junaishe. “aro American manuh khan eku bapana koribo kam nai. Vaccine toh ketai bapo, tui khan be loboli koi ase”, tai aro koishe. “leadership toh etu neshina hoboli lage,” koikena Vice President-elect Kamala Harris para janaishe. Tai logot be vaccine toh aha hafta loboli ase koishe.