ASSAM, OCTOBER 14 : Assam Sorkar kan Sorkar kebi kotha nahute kena tai kan state Companies te 300 employees toh anedebole kurise. Etu ke President pora manise koise. Kele etu pora Assam te business kura time te aram hobo aro bhal hobo koi kena, Officials pora aji janaise.
Business World khobor hisabte President Ram Nath Kovind pora The Industrial Disputes (Assam Amendment) Bill. 2017 ke manibole kurise. Aro Industrial Disputes Act, 1947 ke hatai dese. Aro etu botli kura toh Sorkar laga ki-ki business kura ke bhal hobole aro aram pora kam julabole karne ase koise.
Aji-kali thaka Legislation hisabte 100 ta kam kura kan (employees) hi Company bitorte thaka edia toh 300 ta nesena anedebo koi kena kotha ula huise. Etubi Sorkar kan logot kotha eku namelai kena. Aro Home Ministry Official pora koa hisabte etu mana toh business nemite bhal hobo karne ase. Aro tai kan state te business kam jula toh bhal te jabole karne ase koi kena janaise koise.
Etu notun Legislation (kanoon) hisabte bi kam kura kan 60 days’ salary hisabte hi dhanka babo. Etubi boila 15 days’ hisabte hi bai thaka.
Add Comment