NASHIK, OCTOBER 20 : President Ram Nath Kovind pora din nemite “Vishwa Shanti Ahimsa Sammelan” koi kena ekta Peace Conference toh Mangi Tungi, Nashik District, Maharashtra state lag ate suru kuridebole ase. Etubi October 22 te koi kena Officials kan pora khobor te janaise.
Etu karne President Ram Nath Kovind aro tai laga maiki 2 jun Mangi Tungi te Ojhar Airport pora jabole ase. Etubi Helicopter pora. Aro etu din te bi Maharashtra Governor C Vidyasagar Rao aro Chief Minister Devendra Fadanvis aro tusera kan ahe kena thakibole ase koise.
Etu din toh Bhagwan Rishabhdev Murti Nirmaan Samiti pora ula laga ase. Aro etu din suru kuride kena President Ram Nath Kovind toh ahke International “Bhagwan Rishabhdev Award” dedebole ase. Etubi Teerthanker Mahaveer University kan Moradabad, Uttar Pradesh laga ke koi kena, Samiti Pithadish Ravindrakirti Swami laga President pora janaise. Aro etu Award toh Cash Prize kobi Rs. 11 lakh, memento aro citation kana se. Aro etu kan toh etu University laga Chancellor Suresh Jain ke dedebole ase koise.
Etu din te President Ram Nath Kovind porabi ekta kitab kobi Title toh “Sarvoccha Digambar Jain Pratima” koi kena thaka ulaidebole ase koise.
Add Comment