Agencies, 18 November: Sunday din Sri Lanka’s President Maithripala Sirisena pora political chamala kothom koribo karni all-party meeting loise. Etu meeting toh tai pora jowah moina desh laga prime minister logode hataide kena Mahinda Rajapaksa logode thala pora political chamala ola karni lowah ase. Tuesday din Supreme Court pora President Sirisena’s logode Parliament bondh kora ke kelaaf korise aro January 5 deh polls thakibole laga ke be nathakibole janaise. Jaija agae din time debe Sri Lanka’s parliament jaga deh lawmakers khan ekta-ekta logode laga-lagi howah thakise. Etu time deh tai khan furniture aro chilli powder be phela thakise. October 26 direk Sirisena pora Wickremsinghe logode hataidekena Rajapaksa logode naam kora bechide etu chamala howah toh first time ase. JVP nahoile People’s Liberation Front toh Sunday meeting time deh thaga nai. Party pora Sirisena logode letter lekhi kena thaga toh, etu chamala howah toh sob apuni karni ase. Etu pora etu chamala toh apuni pora he thek koribo lagi koise. Party pora meeting deh thaga toh eku reason nai koise. Friday din Rajapakse logode kelaaf kori kena second vote kora bechide Wickremesinghe pora tai laga government thek koribo lagi kowah thakise. Hoilebe etu laga jawab toh Sirisena pora etya tak deyanai.
Add Comment