Press Release: Aru Bhi Pathor Khan Girishey Itu NH-29 Patkai Bridge- Khoukidolong Tey

July 08, 2024: Rising Peoples Party Para: Aru bhi pathor khan girishey, itu NH- 29 tey, Patkai bridge- Khoukidolong stretch tey, ekta Bolero gari ke pathor lagishey koishey, aru charta manu khan tey thaka toh jokohm hoishey koishey. Itu toh hoiley eneka ke ek saal agey tey thakishey, July 04 2023 tey itu jaga tey duita manu khan murishey, aru teenta jokhom hoi kena thakihshey. Kitya pathor khan giri kena bishi gari khan ke lagishey.

Bishi hue ary awaz khan toh hoiley raise kurishey. Hoilebi itu NDPP- BJP coalition toh hoiley eku bhi kuria nai. Itu nahoi kena, ekta serious negligence toh manu khan laga suku tey kaam kuri asey koi kena dikhaboley, itu PDa government para ekta High Level Technical Committee (HLTC) institute kurishey, itu issue ke study kuriboley karney, kuntu laga report toh hoileu itya aha nai public domain tey. Kitya PDA government toh hoiley realize kuriboley asey ki, governance toh hoiley sob toh accountability aru responsibility karney asey? Deputy CM TR Zeliang para itu “Short-term maintenance contract” koa toh ki matlab asey, kuntu toh itu PDA para itya institute kuri asey, jawa saal laga tragic ghatna pichetey? Itu Naga manu khan toh hoiley eneka nishina kotha khan huni kena bisas kuriboley pagala nahoi.

Jawa laga laga ghatna pichetey, itu NHIDCL toh hoiley task anishey, itu haphazard manner nimitey, kotey toh hoiley charta-lane banaboley laga toh shuru kurishey, dynamite khan bhi chulai jai kena, buka-mati khan laga mountainous area khan tey? Kunba ke accountable bukhiboley dishey naki? Kunba itu NHIDCL nahoilebi itu government manu khan ke suspend kurishey nahoilebi jail dishey? Itu Government para action loishey, itu state nodal department – R&B (National Highway) – kun khan toh hoiley itu kaam khan ke bhal para sai jai thakishey, NHIDCL laga itu state tey? Itu PDA government toh hoiley explain kuriboley asey na nai, kiley itu state laga police toh eku action loa nai, itu RPP FIR complaint khan file kuriboley laga toh itu Chumoukedima Police Station tey, NHIDCL official khan laga against tey, itu manu khan eman eneka muria pichetey.