November 15, 2024, 05:18 PM : Development of North Eastern Region ( DoNER) aru Communication laga Union Minister – Joytiraditya M. Scindia para koisey ki, itu jawa dus saal laga Modi Govt. Nagaland toh hoiley saath bar wala fund tey bishi hoishey, itu centre para. Mr Scinda para koishey itu dus saal tey, Prime Minister Narendra Modiji para Prime Minister bukhi loa pichetey, Nagaland toh hoiley 37,000 crore nishina laga poisa pai kena asey.
Itu Union Minister para itu kotha toh hoiley itu state laga MDoNER developmental project khan laga opor tey review meeting loa pichetey koishey, itu Nagaland laga Chief Minister – Niephiu Rio logotey, Chumoukedima laga Noune Resort tey para.
Grant-in-aid laga term khan tey, itu centre para, tai para koishey, itu jawa dus saal tey, Narendra Modi laga tenure tey, Prime Minister hisap tey thaka pichetey, Nagaland toh hoiley 64,768 crore poisa pai kena asey, kuntu toh hoiley poila laga dus saal laga amount para double wala asey.
Mr Scindia para koishey Nagaland logotey toh hoiley ekta bishi rich cultural heritage aru history, economic growth state asey aru itu toh hoiley pura puri itu Prime Minister laga vision logotey line tey thaki kena asey, ki, itu aha saal khan tey, “Northeast toh hoiley itu Indian economy laga growth engine hoboley thakiboley asey.”
Add Comment