March 03, 2025, 07:50PM: It NSUI Nagaland para 154 Forest Guard position khan nimitey advertisement diya ke acknowledge kurishey, itu Environment, Forest aru Climate Change laga Department under tey. Eneka thakilebi, tai khan para asurit pawa laga express kurishey, itu aru bhi ₹100 laga poisa loi thaka laga, ekta examination fee laga hisap kuri kena, candidate khan para, kun khan toh hoiley tai khan laga application khan submit kuri kena thakilebi.
Itu NSUI para RTI file kuri kena thaka tey, itu toh hoiley janiboley parishey ki, 9,744 candidate kha toh hoiley 115 Forest Guard post khan nimitey apply kurishey, kuntu toh hoiley January 13th, 2023 tey advertise kuria laga thakishey. Ekta examination fee ₹200 per candidate charge kuria laga thakishey, pura puri ₹19,48,800/- laga daam ulai kena, kuntu toh hoiley itu candidate khan ke aru reimburse kuri diya nai, itu examination toh cancel hoa pichetey bhi, ekta “Cabinet decision” karney.
Itu NSUI Nagaland para demand kurishey ki, itu ₹100/- toh hoiley naloi diboley karney koi asey, aru digital admit card issue kuriboley recommend kuri asey, candidate khan eman durr durr para Nagaland laga kona kocha tey para jai kena khali utu admit card toh hey loboley jai thaka para toh, misa mishi laga dukh diya para toh, Kohima tey para collect kuriboley hard copy toh.
Add Comment