April 12, 2025, 04:31 PM: Itu India laga Election Commission para Friday tey koishey ki, itu Electronic Voting Machines (EVM) khan kuntu toh hoiley India tey chulai thakey, utu toh hoiley “simple, correct aru accurate calculator khan asey koi kena koishey Tulsi Gabbard para, US Intelligence laga Director para concern thaka laga awaz uthawa pichetey. Itu electronic voting system (EVM) khan laga komjuri thaka laga opor tey kotha koa homoi tey, itu United States tey, hacking kuria tey.
Ekta Cabinet loi thaka homoi tey, US President Donald Trump para, April 10, Ms. Gabbard para koishey ki, itu Intelligenc department toh hoiley “evidence” paishey, keneka itu electronic voting system khan toh komjur asey, hacker khan karney ekta bishi homoi para. Aru itu ke exploit kuriboley pari asey manipulate kuribley, vote khan cast kuria laga result khan ke. Tai para koishey ki itu para paper ballot khan chulawa toh mandate kurishey, itu country pura tey, eneka hoiley hey, voter khan toh itu U.S. election khan laga integrity tey bisas thakibo.
ECI laga sources para Friday tey koishey ki, kunba country khan toh Electronic Voting System khan chulai, kuntu toh hoiley ekta mixture asey, multiple system khan, machine khan aru process khan laga, alag alag private network khan bhi milai kena, Internet khan nishina.
Eneka hoilebi India toh hoiley Electronic Voting Machine khan chulai thakey, kuntu toh hoiley simple, correct aru accurate calculator khan hisap tey kaam kurey aru itu toh hoiley Internet, WiFi nahoilebi Infrared khan tey connect kuriboley naparey.
Itu machine khan toh hoiley legal scrutiny thaki kena asey, itu India laga Hon’ble Supreme Court para aru itu toh hoiley Political Parties khan para invariable para check kuria laga asey alag alag stage khan tey.
Add Comment