Press Release: Itu Western Chakhesang Hoho (WCH) Para GPRN/NSCN (Unification) Khehoyi Camp Laga Opor Tey Chinta Thaka Janaishey

March 23, 2025, 06:11 PM: Itu Western Chakhesang Hoho (WCH) toh hoiley bishi chinta thaka alga janaishey, itya laga situation opor tey, itu GPRN/NSCN (Unification) Khehoyi Camp tey, aru tai khan para strong para sob manu khan  ke aru group kun khan involve thaki kena asey, itu utmost restraint exercise kuriboley koishey aru ekta shanti laga atmosphere maintain kuriboley koishey. Itu toh hoiley ekta crucial homoi asey, Naga manu khan nimitey arum oi khan sob Naga Political Group khan ke implore kuri asey, buja buji kuriboley aru itu situation toh bhal para kotha khan kuri kena resolve kuriboley koishey, force nahoiley violence nahoi kena. Moi khan ekta juncture tey asey, kotey shanti aru unity toh sob para bishi wala priority thakiboley hey lagi asey. Moi khan itu Naga political settlement eman dukh kuri kena progress ke undermine nakuriboley lagey, ek jon ek jon ke mara mari kuri kena. Itya Naga manu kahn Shanti bisari thaka homoi tey, itu toh hoiley essential asey, ki, party khan kun toh hoiley involve thaki kena asey, tai khan eke logotey ahiboley karney, force khan nachulai kena, ekta shanti laga resolution bisariboley karney, kuntu toh hoiley Naga manu karney bhal karney serve kurey. Moi khan leader khan ke mati asey, itu GPRN/NSCN (Unification) laga, difference khan thaka toh side tey rakhi kena aru common ground bisariboley lagi asey. Eneka hoiley tai khan toh wisdom, humility aru ekta commitment thaki kena kaam kuriboley karney, itu Naga manu khan laga welfare karney. Moi khan bisas kuri asey ki, Isor laga guidance para itu leader khan toh hoiley takot, clarity aru bujiboley paribo koi kena, itu crisis toh navigate kuriboley aru shanti laga raasta phaney lead kuri kena jaboley.