February 13, 2026: Kohima Police para assistance bisari asey, ekta manu muria ke identify kuriboley.
08.02.2026 tey, ekta anjan mota manu, tai laga age toh 25-30 Saal laga hobo, saboley chehra toh boga asey, height toh 5.7 ft nishina hobo, tai light grey shirt aru kala pant pindi kena thakishey, tai toh hoiley raasta tey bihush hoi kena giri thaka laga paishey, phoolbari area, Kohima osor tey. Tai ke phat para NHAK ICU tey loi jai kena thakishey, kotey tai itu condition tey para muri jaishey, 13.02.2026 tey. 0630 hrs nishina tey.
Itu muria chukra toh hoiley, duita identify kuria tattoo thaki kena asey:
- Ekta toh chest tey tattoo asey, kuntu tey “1997” number likhi di kena asey.
- Ekta toh tai laga ekta-pura haath toh tattoo thaki kena asey, left haath.
Sob legal formality khan toh hoiley complete kurishey. Itu body toh hoiley itya karney, itu North Police Station morgue tey rakhi di kena asey, aru further identification nimitey.
Family member khan, relative khan, nahoilebi friend khan itu muria chukra laga, tai khan ke itu Officer-in-Charge, North Police Station, Kohima @ 6009308087 / 700598601 ke contact kuriboley request kurishey.
Add Comment