February 15, 2025, 06:31 PM: Aji MLA Dr. Sukhato A Sema para duita notun para construction kuria inaugurate kurishey, ekta toh cement para banawa laga raasta, Tsaphimi tey aru Pughobot area tey, kuntu toh hoiley MLA Local Area Development Fund (LADF) 2024-25 para fund kuri kena. Aru itu logotey tai para ekta Multipurpose Building bhi inaugurate kurishey, itu Asukiqa area nimitey, kuntu toh hoiley community centre hisap serve kuriboley aim kuria laga asey, alag alag activity khan aru program khan nimitey. Itu Multipurpose building toh hoiley, SASCI Scheme (Special Assistance to States for Capital Investment) under tey funded asey, itu Youth Resource & Sports Department para.
Itu jama kuria manu khan ke address kuri kena, Dr. Sema para bhal para chulaboley aru maintenance kuriboley laga importance emphasize kurishey, itu notun para develop kuria laga infrastructure toh. Tai para itu Public ke sob bhi mili kena responsible hoboley karney encourage kurishey, itu public asset khan ke preserve kuriboley nimitey, long-term benefit khan ensure kuri kena, itu community nimitey.
Itu inauguration program tey toh hoiley ADC Pughoboto, Executive Engineer PWD Pughoboto, GBs, Asukiqa area Joint council, Asukiqa area Peoples Forum, Church Leaders aru alag alag civil society organization khan laga representative khan ahishey koishey.
Add Comment