June 04, 2024 : Itu TA/ DA rate, uniform police personnel khan nimitey, election duty opor tey, kun khan state laga bahar tey duty kuri asey, poila toh 1500/- capped thakishey, itu toh hoiley Rs 550/- tak komti hoi kena asey, itu state Finance Department OM FIN/ESTT-2/11/VII CPC/16 (Pt-1) laga hisap tey, 9th April 2024 laga dated hisap tey.
Sources laga hisap tey, poila laga rate Rs 1500/- toh hoiley eman tak bishi hoboley nalagi kena thakishey koishey, kiley koiley accommodation, transportation aru ration khan toh agey para sai di kena thakishey koishey, itu state government para aru itu nimitey itu Finance Department para rectify kurishey parey koishey, itu ‘anomaly’ toh, itu amount toh Rs 550/- tak komti kuri di kena.
Itu Finance Department laga justification laga thakilebi itu State government para toh hoiley strong para tai khan laga decision toh review kuriboley urge kurishey.
Itu teenta muhina para bhi bishi wala hoishey, moi khan laga charta battalion khan laga jawan khan aru Officer khan toh hoiley election duty khan kuri asey, eman gorom tey, India pura tey, itu sob para biya muhina tey, already teenta manu muri jai kena, moi khan laga uniformed personnel khan. Itu paltry amount Rs 550/- per day toh justify kuriboley naparibo, itu hudai laga expenditure toh, ekjon manu laga, kotey jawan khan toh hoiley pani laga bottle khan kini kena khaboley lagey aru hudai din laga saman khan aru kunba homoi tey, nutritious khawa loa khan, tai khan nijey karney.
Add Comment