August 05, 2024: Itu RPP para NSCN (Khango) group para Mr. Rulho ke death threat diya ke condemn kuri asey. Itu party para, itu NDPP/ BJP coalition ke bhi condemn kuri asey, CFMG/CFSB ke buck pass kuria nimitey, itu issue opor tey.
Itu Rulho ke death threat diya issue laga opor tey, itu alag alag civil society laga organization, itu youth body khan aru itu business/ trade body khan bhi milai kena toh itu government ke by- pass nakurilebi hoi jabo koishey.
Room tey hati buhi kena thaka toh state government asey, kun khan toh pura puri fail hoi jaishey, law aru order ke dhuri kena rakhiboley, itu state tey.
Itu toh hoiley toh yaad rakhiboley laga kotha asey ki, Mr. Rio para chulai jawa NPF government toh poila power tey aha toh 2003 tey, ekta kunba faction khan laga modod para ula laga thakishey. Itu toh hoiley ekta political alliance thakishey itu SC Jamir laga ministry ke khotom kuria toh.
Itu election jeeta pichetey, Rio laga government toh phat para tai khan laga “Equi-Closeness” laga policy ulai dishey, itu sob factional group khan logotey. Utu homoi tey, khali 4-5 faction khan he thakishey itu state. Itu policy para sob faction khan ke legitimize kuridishey aru tai khan laga anti-people activity khan toh. Aru secondly, itu policy laga advantage loi kena, itu India laga Government para tai khan laga “Divide aru Rule” kuria laga policy implement kuri dishey.
Add Comment